SAFARI YA KIFO - SEHEMU YA KWANZA

 

SIMULIZI: SAFARI YA KIFO

 

SEHEMU YA KWANZA

Katika gari aina ya kosta, wanafunzi wengi wa chuo ambao walipanda humo ndani yake,walikuwa wakipiga makelele.

"TIMUA VUMBI TIMUA! TIMUA VUMBI TIMUA! WE WEEE...."

Watu walikuwa hawasikilizani mule ndani,waliimba wimbo huo wa kizazi kipya uliokuwa unapigwa ndani ya gari hiyo kwa sauti kubwa.

Wanafunzi wengine walikuwa wakinyonyana mate na kubadilishana ndimi zao bila aibu ndani ya gari hiyo.

 

"Dereva Lena tu wewe,spidi gani hii bwana?! Hebu choma mafuta kama sio Lena tuone...."  ilisikika sauti ya kilevi ya mwanafunzi mmoja aliyekuwa akiitwa Michael, alisifika kwa ukorofi na ulevi pale chuoni,na leo hii alikuwa amelewa tila tila.watu walimshangilia na kumuunga mkono

"Dereva Lena,kama sio Lena tumwage,dereva Lena kama sio Lena tumwage". Walianza kuimba,kisha dereva akapanga gia vizuri,na kuchochea moto huku wanafunzi wakianza kumshangilia kwa kupiga mbinja na miruzi..

" woyoooooo...."

 

Basi baada ya mwendo Wa masaa sita walikuwa wameshafika ktk mkoa wa iringa,wakitokea jijini Dar es salaam wanafunzi wale walishuka huku kila mtu akiwa na mwenza wake,isipokuwa kijana mmoja tu aliyeonekana kuwa mkimya muda wote, tangu safari ianze..alikuwa ni mrefu kidogo, mweupe, amejazia kidogo misuli yake, alikuwa ana sura nzuri haswaa(handsome) alafu alikuwa amevaa vizuri sana siku ile ya study tour.alikuwa amepigilia flana nyeupe na suruali nyeusi(jeans) yenye michaniko magotini..kibegi cha mkanda mmoja alichokizungushia begani mwake kilimfanya azidi kupendeza.

"Sasa wanafunzi tusikilizane,leo tutapumzika kidogo hapa iringa mjini,na kesho tutaanza safari kuelekea kalenga kwaajili ya tour yetu.hivyo kuweni makini sana,sitaki kusikia mmefanya ujinga wowote ule." Aliongea lecture mmoja mrefu mweusi,aliyeonekana ni mtu mzima kiasi.

Wanafunzi wao walikuwa wakipiga makelele tu bila kusikilizana vyema na mwalimu wao.walikuwa maeneo ya stendi ya daladala ya ipogolo,basi wengine walirudi ndani ya gari huku wengine wakibaki nje tu pale wamekaa..ilikuwa ni majira ya saa 1 usiku huku baridi kali ikianza kupiga ktk usiku ule.

Wanafunzi wale waliilaani ile baridi huku wengine wakijutia kutobeba masweta na koti za ziada,lakini kwa kuwa walikuwa wanaume na wanawake basi walikumbatiana,huku wengine wakianza kubadilishana ndimi zao bila aibu vile.huko ndani ya gari sasa,kwa kuwa kulikuwa na giza. Basi kwenye siti za nyuma wanafunzi walikuwa wanazini tu kuondoa ile baridi.lecture wao alienda kutafuta nyumba ya wageni karibu akiwaacha wanafunzi wake wakilana uroda usiku ule.

"Mambo ibrah,mbona unajitenga tenga Leo,alafu huna furaha kabisa au hukuipenda hii safari?!" mwanadada mrembo kabisa, mwenye asili ya kisomali aliyebana nywele zake nyuma kisha akazitupa mgongoni,Macho yake yalikuwa mithili ya mtu aliyelamba kungu lips denda na pua ndefu ya kisomali iliyojichonga ilimfanya azidi kuwa mrembo.Alimuuliza vile kijana ibrah huku akitabasamu na kutengeneza vishimo mashavuni mwake.Ibrah ndiye yule kijana aliyeshuka ktk gari na kujitenga..

"Ah! Usijali Leyla mimi nipo sawa tu labda hali ya hewa sijaizoea"

Alijitetea Ibrah huku macho yake yakitua moja kwa moja katika kifua cha mwanadada yule, mwenye chuchu ndogo zilizosimama kama sindano,

"Uongo huo ibrah tangu tunatoka dar nilikuwa nakuangalia tu ulikuwa upo kimya sana unaonekana una msongo wa mawazo tatizo nini ibrah?" Leyla alimuuliza ibrah huku akisogea karibu zaidi kwa ibrah na kuweka umbali wa mita ziro kutokana na lile baridi..

"Ehee huyu ndio yule fala anayekuchukulia demu wako."

Aliongea mwanafunzi mmoja mrefu mweusi,akinyooshea kidole kwa Ibrah. walikuwa wapo watatu wamesimama mbele ya kina Leyla na ibrah.

Yule mlevi aliyekuwa anapiga kelele ndani ya gari muda ule ndio alikuwa akiambiwa na yule kijana, kisha kwa sauti ya kilevi akasikika akisema.

"Yani we fala huna ishu alafu unanichukulia demu wangu Leyla? Unakaa naye huku, hivi nimekuonya mara ngapi kuhusu Leyla? sasa leo acha nikufunze adabu kidogo"

Alirusha chupa yake ya bia kuelekea kwa ibrah,ambapo aliikwepa na kubamiza chini kisha ikapasuka,yule mlevi alimsogelea Leyla na kumkumbatia huku wale wawili waliobaki wakianza kumpiga Ibrah.

Wanafunzi waliopo nje,walisogea pale Ibrah alipokuwa akipigwa huku wakipiga makelele kushangilia ule mpambano

"Piga huyoo, usikubali wewe amkaa." Zilikuwa ni sauti za uchochezi

Leyla alijaribu kujitoa kwa yule mlevi lakini alishindwa kutokana na nguvu alizonazo yule mlevi pamoja na pombe zake, alibaki akilia tu baada ya kumtazama Ibrah akipigwa pale chini.

"Mnichukue mimi kama mnanitaka, mumuache Ibrah jamani msimpige hana makosa" Leyla aliongea kwa sauti ya uchungu huku akianza kulia.

"Muacheni inatosha Leyla wangu kamtetea ana bahati" yule mlevi aliwaamuru wale vijana ambao walimuacha Ibrah pale chini akivuja damu mdomoni na puani.

Wanafunzi walibaki kushangilia tu na kuanza kutawanyika pale,kila mtu akirudi alipokuwa.

Ibrah alijiinua na kujifuta damu zilizokuwa zikimtoka kwa kutumia kitambaa chake kilichokuwepo katika kibegi chake kisha akakaa pembeni,alipokuwa mwanzo.

"Mbona wamekupiga kizembe vile, na hujawafanya chochote kile?" Alikuwa ni Raphael ambaye ni rafiki yake kipenzi Wa Ibrah, ambaye alimsogelea karibu Ibrah na kumuuliza.

Ibrah alikaa kimya bila kujibu huku akiendelea kujiweka sawa.

"Unajua kuwa wewe una uwezo mkubwa wa kupigana lakini umepigwa kizembe tu hapo,mpaka nimeshangaa" Aliongeza Raphael

Ibrah alimtuliza rafiki yake asiwe na jazba huku wakibadili mada na kuanza kupiga stori zingine.Ibrah na Raphael wanasoma chuo kimoja,lakini pia wanakaa mtaa mmoja maeneo ya magomeni jijini Daresalaam,hivyo wanafahamiana tangu zamani sana.

Asubuhi ilifika,kisha lecture akaja na kuwaambia wanafunzi kuwa safari itaanza asubuhi hiyo,hivyo kila mtu ajiandae vizuri.kulikuwepo na vyoo na mabafu ya kulipia katika stendi ile,hivyo kulikuwa na foleni kubwa ya wanafunzi waliokuwa wanataka kuoga..

"Habari yako kijana, kwani mnaenda wapi?" Alikuwa ni mlinzi wa choo kimoja akimuuliza Ibrah baada ya kumaliza kuoga.

"Tunaenda kalenga Uncle" alijibu Ibrah huku akimaliza kujifuta na kutoa pesa kwaajili ya malipo.

"Kalenga? Basi mmekwisha"

Aliongea yule mlinzi huku akitoa macho,

"Kwanini Uncle?!?" Aliuliza ibrah kwa mshangao mkubwa.

 

Je,kuna nini huko kalenga mpaka mlinzi ashangae?

 

Itaendelea

Kesho 12 Jioni