SAFARI YA KIFO - SEHEMU YA PILI

 

SIMULIZI: SAFARI YA KIFO

 

SEHEMU YA PILI

"Kalenga?? Basi mmekwisha"

Aliongea yule mlinzi huku akitoa macho

"Kwanini uncle?!" Aliuliza Ibrah kwa mshangao mkubwa.

 

Inaendelea…

"Mh! Kwa siku hizi za karibuni nasikia kuna wanadamu wanaowala wenzao, sijui lakini yawezekana imeshaisha" aliongea yule mlinzi huku akipokea shilingi 500 kutoka kwa Ibrah.

"Muhimu umtegemee mungu na muwe makini sana," aliongezea kisha Ibrah akatamani amuhoji zaidi yule mlinzi, lakini honi ya gari ilikuwa ikipigwa kuashiria kuwa safari imeanza.

Ibrah aliondoka kuelekea kwenye gari huku akiwa na maswali mengi kichwani. Baada ya dakika 3 gari ikaanza kuondoka baada ya wanafunzi wote kuwepo ndani ya gari.

"Hakikisha uliyekuwa naye mwanzo,yupo ndani ya gari sawa?"

Aliongea yule lecture huku akipapasa macho yake kuangaza kwa wanafunzi.

"Tupo woteeee ondoa gari bwana" aliropoka yule mlevi ambaye Leo hakuwa amelewa sana.

Dereva aliondoa gari kwa kasi maeneo ya ipogolo kuanza safari ya kuelekea kalenga.Baada ya saa na dakika 50 gari  ile ilikuwa imeshafika maeneo yale ya kihistoria..

"Wooow! So amazing jamani"

"Yeah ni pazuri sana"

"Woow!" Wanafunzi tofauti tofauti walikuwa wakiongea huku wakishuka ktk ile gari.

Wengine walikuwa wakipiga picha na kufurahi.

Ibrah alishuka na kufuatwa na Leyla.

"Ibrah nisamehe kwa kilichotokea Jana, nisamehe na pole sana mpenzi" Leyla alilegeza jicho la huruma kumtazama ibrah,ambaye alionekana kutojali alichosema Leyla

"Ibrah, Michael anakuja tena na wale wenzake" Raphael alisogea haraka kwa Ibrah na kumnong'oneza sikioni.

Ibrah aligeuka na kumuona Michael (yule mlevi) anakuja na wenzake, Michael alikuwa anaogopeka sana kutokana na ubabe aliokuwa nao pale chuoni, hata mitaani walimfahamu pia.

"Leyla nadhani unamuona Michael, sitaki ugomvi tena naomba uondoke". Ibrah aliongea kumwambia Leyla, ambaye naye pia aligeuka kumtazama Michael ambaye alikuwa ameshawakaribia

 

"Hivi una nini wewe mpumbavu, nikwambie mara ngapi kuwa sikupendi? Sikupendi we mkaka, lisura lako libaya kama roho yako ilivyo mshenzi mkubwa wewe! moyo wangu upo kwa Ibrah. Hivi kwanini unapenda kumuonea kwasababu ya upole wake?"

Leyla alifoka kumfokea Michael, ambaye alitabasamu tu na kumbusu Leyla.

"Mjinga wewe" Leyla alifoka na kumtemea mate Michael, kisha akampiga kofi kali la shavu.vijana wa Michael walitaka kumpiga Leyla, lakini Michael aliwazuia na kuwaambia wasimguse mpenzi wake.

"Kuna nini hapa? Mbona kama mnagombana?" Lecture alisogea mahala pale na kuuliza.

"Ah hapana tulikuwa tukibishana kuhusu hapa kalenga tu. ni maswala ya academic sir."

Alijitetea Michael na kumfanya Leyla aachie msonyo wa hasira.

"Mh! kama maswala ya taaluma si mtayapata ndani, sasa mnabishana nini? Haya sogeeni kwa wenzenu kule". lecture alitoa maelekezo, kisha Leyla akamkumbatia Ibrah na kuondoka naye.

Michael alikasirika sana, ila hakuwa na namna naye akaondoka na wenzake.

" Nina wanafunzi 32 tu" aliongea lecture kumwambia mtu wa malipo pale kalenga..

"Usijali karibu sana". Kisha akapokea hela na kuzihesabu.

"Mnaweza kunisubiri hapo nje".

Aliongea na kuingia ndani.

 

Baada ya dakika 5 alitoka na kuanza kuwapeleka ktk maeneo mbalimbali ya kihistoria huku akiwaelezea kwa undani.

Wanafunzi walijifunza mpaka raha, walipiga picha kila kitu isipokuwa fuvu la mkwawa ambalo waliliona bila kulipiga picha.walifurahi sana na picha zilikuwa za kutosha sana. Baada ya masaa mawili, kila kitu kilikuwa kimeisha, kisha wanafunzi wakawa wanapiga picha tu.

Raphael alichukua simu yake aina ya Samsung kisha akasogea na kupiga picha za kamera ya mbele(selfie) pamoja na Leyla na Ibrah. Leyla naye hakuwa nyuma,alitoa I-phone yake kisha wakaendelea kupiga picha.

"Simu yako ipo wapi wewe?" Raphael alimuuliza Ibrah

"Ah ipo kwenye begi,nimelisahau ndani ya gari" Ibrah alijilaumu kisha wakakubaliana kuwa, ndani ya gari kuna usalama waondoe hofu tu. walipiga picha za mapozi tofauti. Mara Ibrah amshike kiuno Leyla, Mara wanyonyane lips, Mara sijui madenda ya shingo n.k. ilikuwa ni furaha isiyo na mfano.

Upande mwengine Michael na wenzake walikuwa sehemu nyingine wakinywa pombe kwa msongo wa mawazo waliokuwa nao,

"Hivi yule mtoto anajiamini nini kunichukulia demu wangu?" Aliuliza Michael

"Kilichobaki ni kumuuwa tu. anajiendekeza" alitoa wazo rafiki yake mmoja Michael japo halikuungwa mkono, kisha wakakubaliana apate mateso mpaka atakapomuacha Leyla. Walijiinua taratibu kuelekea kwenye gari waliyokuja nayo.

"Wanafunzi malizieni kupiga picha tuondoke" lecture aliongea huku akimshukuru yule aliyewapokea.

Wanafunzi walipotosheka walianza kurudi katik gari.Leyla, Raphael na Ibrah walipendeza sana na mpigaji picha alikuwa ni Raphael, huku leyla na Ibrah wakiwa katika mapozi ya mahaba mazito,

Basi wote walirudi katika gari, kila mtu akimsimulia mwenzake kuhusu waliyofanya huku wakioneshana picha walizopiga.

"Gari imeisha mafuta, ngoja tutafuta kijiji hapo tutulie ili tutafute mafuta maana sheli ipo mbali kidogo" dereva aliongea,huku wanafunzi walianza kulalamikia dereva na kumtusi.

“Msinilaumu mimi sasa, nawapa msaada katika hiko kijiji ili nikichukua mafuta tuondoke bado mnakataa Basi ondokeni na gari yenu mnayoijua" dereva alifoka na kufanya wanafunzi wote wawe kimya.

"Unajua huko tunapoenda, siamini kama kuna usalama kabisa." Ibrah alinong'ona kumwambia Raphael

"Kwanini Ibrah" Raphael aliuliza kwa mshangao mkubwa

"Unamkumbuka yule mlinzi wa mabafu kule ipogolo?"

"Ndio"

"Aliniambia kuwa huku kuna watu wanakula nyama za watu"

 

Wakati wanaongea hayo, ghafla kuna gari ikasimama pembeni ktk kimsitu kidogo.

"Dereva vipi weweeeee?"

 

Wanafunzi walilalama kumwambia dereva.

“Shukeni hapa tutakaa Leo, alafu kesho tutaenda katika kijiji cha jirani ili tupate msaada wa mafuta" dereva aliongea kisha akawa wa kwanza kushuka.

"Sasa wengine hatujala jamani aah!" Mwanafunzi mmoja alilalama na kuungwa mkono na wenzake

"Kweli kabisa hatujala jamani aah!"

"Mnalalamika nini nyie, ule si mgahawa ule? Au sio?" Aliongea mwanafunzi mwengine huku akinyoosha kidole chake pembezoni kwa Barabara.

Wanafunzi walikimbaza kisha wakavuka Barabara na kuingia mule ndani.

"Shikamoo!shikamooo!shikamoo mama" zilikuwa ni salamu nyingi sana za wanafunzi waliojazana mule ndani, wengine wakiwa nje

"Marahaba wanangu karibuni"

"Asante naomba chapati 3 na supu!" Aliongea Michael mbabe,

"Mimi nipe chapati 2 na chai" aliongea rafiki yake Michael huku wengine nao wakiagiza oda zao.

Supu ya Michael ilikuwa ya kwanza kufika na aliyeileta alikuwa ni mtu aliyejifunika uso wake kwa koti refu la kofia (prova).

Michael alivyoutazama vyema USO wa yule mtu aliona kuwa USO wake umejaa damu zilizogandiana huku akiwa anatisha. Mara yule mtu akaondoka na kuelekea jikoni, Michael alihisi labda ni pombe zake ndio zinamchanganya, alitulia kwa dakika 5 bila kula, ambapo alishtuliwa na rafiki yake

"Oya kula mwamba, tukamuwahi mchumba wetu Leyla". Michael akaanza kula, mara akaona kidole cha mtu kwenye ile supu, akaimwaga na kusimama kwa hasira.

 

Je,Michael mbabe atafanya nini Leo na ubabe wake wote?

 

 

 

Itaendelea

Kesho Saa 12 Jioni