WITNESS - SEHEMU YA KUMI NA TANO

 SIMULIZI: WITNESS

 

SEHEMU YA KUMI NA TANO

Nilijisikia huzuni sana kuona ni namna gani familia yangu inateketea bila kosa, Kama Baba asingenichagua mimi kumuoa binti Mfalme basi vijana wengine wangefanyaje mashindano ya kuchaguliwa mshindi wa kumuoa binti Mfalme.  Hii yote ilitokana na tamaa ya Baba ya madaraka katika jumba la kifalme kweli *Tamaa mbele mauti nyuma*.

Tunaendelea…

 

"Vipi kuhusu mama na Julieth?

"Mama yako pia yupo kwenye Jumba la kifalme kwa ajiri ya kutetea haki ya Julieth, Clement yanayoendelea ni mengi huwezi kuyajua kwa haraka ivyo" Bella alikua ananiangalia kwa huruma.

Nilimfuata Bella nikamsogeza karibu nakumkumbatia,

"Yote nilifanya kwa ajili yako Bella ivi unajua nikiasi gani akupenda, Nakupenda kuliko hata unavyofikiri. Kila kitu nimefanya ili niwe na wewe Malkia wa moyo wangu, usiniache Bella kua namsimamo katika mapenzi yetu, Usiuumize moyo wangu, Tafadhari nipende Bella" niliongea kwa hisia nahisi hata yeye alinielewa

"Vipi yule mtu uliekuja naye, mbona anaonekana ni mtu mkubwa katika Jumba la kifalme, Na ninani kwa upande wako"

"Ni mtu wa kawaida tu ila tulifahamiana nae kabla hata sijapata matatizo, Amenisaidia sana yule mdada labda ningekuwa nisha kufa, kila kitu nitakwambia vizuri nikitulia ila niambie kua unanipenda bella, niambie kua hutonisaliti hata ukutane na nini mbele yako"

"Nakupenda pia Clement na nakuahidi kutokukuacha hata nikutane na nini mbele yangu, Nitakupenda" Nilijisikia furaha kuambiwa maneno yale machache ya Bella yaliyokua na maana kubwa ndani ya moyo wangu, Nilianza kuuchezea mwili wa Bella, tukaanza kubadilishana mate, mate mate nikaona mtoto anachanganyikiwa. toka niingie kwenye mahusiano na Bella hii ndio ilikua mala ya kwanza mimi kulala na Bella na kushiriki tendo.

 

Nilishtuka badae sana baada ya zoezi tulilolianya usiku  nilivyoangalia pembeni ya kitanda sikumuona Bella, nilianza kuangaza nje bado kulikua na giza.  Nilitaka kutoka nje nikasikia michakacho ya vitu kwenye chumba cha jirani, ilibidi niangalie ni kipi kinaendelea huko, nilimuona Bella akipanga ndoo juu kisha akapanda ili Kuchungulia dirishani,

"Bella unafanya nini hapo" Bella hakunijibu kitu ila alinionyesha ishara kua nitulie, ilibidi nifanye ivyo tu sikua na namna,

Niliskia sauti ya Chande nje nikama alikua na watu wengine nikataka nitoke ila Bella alinizuia,  Kweli nilikua nimemkumbuka rafiki yangu chande,  tena nilimkumbuka sana tu.

 

"Kwanini unanizuia Bella" Nilimuuliza bella lakini bado hakujibu kitu alibaki kuchungulia tu dirishani.

Baada ya muda nilimuona akishusha ndoo zile chini na kuhema kwa nguvu kama kuna kitu kikubwa amekikwepa. "Kwanini umenikataza kumuona rafiki angu Chande hujui ni jinsi gani nimemkumbuka"

"Clement huna rafiki anayeitwa Chande wewe, Chande siyo rafiki kwako"

"Unamaana gani bella"

"Namaanisha hutakiwi kuonana na Chande "

"Ooh sawa mamaangu inabidi nikajitokeze mbele ya mfalme ili kuokoa familia yangu"

"Wewe unatafta kifo eeh, Huwezi kupona hata kidogo kwa yule mfalme ila utakufa wewe na familia yako"

"Shida si ni mimi tu acha niende Bella naweza okoa mmoja kati ya watatu"

"Clement kuna kitu hujui, saivi mfalme hana shida na wewe sana ila inapaswa tu utafutwe, ulivyokimbia Nkizwa ilibidi mfalme aje akutafte nyumbani kwenu aliamini utakua umejificha hapo. Baada ya kuja nyumbani alimpenda Julieth mdogo wako akataka kumuoa, mgogoro ulikua ni mkubwa zaidi ya familia yako kwasababu yule ni sawa na mwanawe wa mwisho"

"eeh baada ya hapo ikawaje? " niliongea huku nikikaa vizuri

"Mfalme alitumia nguvu akaamua kumbeba Julieth na kuondoka nae, Mama ako alienda ili kutetea haki ya mwanae hadi leo hajarudi tena, Ila Kuna siku Julieth alikuja akiwa umeambatana na walinzi,  aliniambia kule hakuna Chochote kibaya ila shinikizo la mfalme lipo palepale,  aliniachia nyumba niilinde ili siku ukija nikukabidhi kama utakuta wao wamefariki"

"dah mkosi gani huu, ila yote ni Makosa ya Baba angu siyo makosa yangu. Vipi nakuhusu Chande kwanini Umenikataza kumuona"

"Nashindwa hadi kukueleza vizuri Clement hutakiwi kujua mambo yote kwa wakati mmoja, ila ulipotoroka vijana walipewa kazi ya kukutafta na atakaefanikiwa kufanya ivyo basi atamuoa binti Mfalme Witness, wengine wamejiondoa kwenye swala hili ila wale wanaomtaka binti mfalme bado wanakutafta akiwemo Chande"

"Chande ananitafta mimi kwa mabaya? " Niliuliza huku nikikaa vizuri,

" Chande anampenda sana Binti Mfalme na sizani kama anataka kuipoteza hii nafasi na ni mtu anaeaminiwa sana hata na Mfalme kwa sasa,  sizani kama anaweza kubari kuipoteza hii nafasi eti kisa rafiki yani rafiki tuu"dah nilihisi kuchoka Clement Mimi.

 

Itaendelea

Kesho Saa 12:00 Jioni